ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានលើកឡើងថា កម្ពុជាមានលទ្ធផលផលិតស៊ីម៉ងត៍បានដល់ទៅ ៩លានតោន ប៉ុន្តែមិនទាន់អាចបំពេញតម្រូវការគ្រប់គ្រាន់នៅឡើយទេ ខណៈបច្ចុប្បន្នការសាងសង់សំណង់នានាមានសន្ទុះកើនឡើង។
សម្តេចតេជោ បានថ្លែងដូច្នេះថា៖ «យើងអាចផលិតស៊ីម៉ងត៍បានដោយខ្លួនឯងប្រមាណ ៩លានតោន ដែលមុននេះយើងនាំចូល១០០ភាគរយ ប៉ុន្តែមិនទាន់គ្រប់គ្រាន់ដើម្បីប្រើនោះទេ ព្រោះសន្ទុះនៃការសាងសង់របស់ប្រជាពលរដ្ឋត្រូវការស៊ីម៉ងត៍ច្រើនណាស់ សូម្បីតែផ្លូវលំ ផ្លូវតាមភូមិ ក៏មានការចាក់បេតុង អ៊ីចឹងសេចក្តីត្រូវការស៊ីម៉ងត៍គឺកាន់តែធំ»។
សម្តេចតេជោបានថ្លែងបែបនេះនៅក្នុងពិធីចែកវិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រ (NIB) ជាង ៦ពាន់នាក់នាព្រឹកថ្ងៃទី៣០ ខែមីនា ឆ្នាំ២០២៣៕
